Bloqlar

Uğurlu kraudfandinq - 5 məsləhət

Layihə sahibləri öz layihələrini həyata keçirmək üçün kütləvi maliyyələşmə üsulundan  istifadə edirlər. Bəzi layihələr  ehtiyac duyduqları maddi hədəflərinə çata bilmir, bəziləri isə böyük kütlələrin diqqətini cəlb edir və lazım olduqlarından daha çoxuna çatır.

Təqdimat hekayənizin müvəffəqiyyət hekayəsinə çevrilməsi üçün nə etməlisiniz?

 1. Ən əhəmiyyətlisi Doğru platformadır. 

Layihənin həyata keçirildiyi platforma, layihənizin uğurunda mühüm rol oynayır. Məhsulunuzu geniş və düzgün auditoriyaya çatdırmaq üçün şəxsi sosial hesablarınız nə qədər doğru seçimdir?  Odur ki, ilk olaraq kütləvi maliyyələşmə platformaları ilə əlaqə yaradın.

2.  Hekayəniz güclü olmalıdır

Təqdimat layihəsini uğurlu edən düzgün auditoriyadır. Doğru auditoriyanı tutmaq üçün yaxşı bir hekayəniz olmalıdır. Yaxşı bir hekayəniz varsa, auditoriyanızdakı insanları daha asan dəstəkçinizə çevirə bilərsiniz. İnsanlara niyə dəstək verməyə dəyər bir layihəniz olduğunu söyləyin. İşinizə niyə inandığınızı və nəyə nail olmaq istədiyinizi hərtərəfli danışın. Onlara hekayənizin bir hissəsi ola biləcəklərini hiss etdirin.

3. Susmayın!

Layihə başladıqdan sonra çətin hissəyə hazır olmalısınız. Sosial media və elektron poçt kimi düşünə biləcəyiniz bütün rabitə kanallarında çox fəal olmalısınız. Qazandığınız hər irəliləyiş haqqında mütləq insanlara məlumat verin. Hekayənizi canlı tutmaq üçün həmişə yeni məzmun paylaşın. Müxtəlif ünsiyyət kanallarından gələ biləcək suallara cavablarınız aydın və başa düşülən olmalıdır.

4. Vizuallığa diqqət edin

Layihə ilə maraqlanan insanların diqqətini çəkən ilk şey vizual görüntülərdir. Aşağı keyfiyyətli və ya bir neçə şəkil məhsulunuzu keyfiyyətsiz hala gətirəcəkdir. Bu səbəblə çəkilişlərinizi mümkün qədər yüksək keyfiyyətli etməlisiniz. Fotoşəkillərdən başqa video çəkilişlər, daha çox insanı inandıra bilər.

5. Həqiqi Məqsəd qoyun

Layihənizi reallaşdırmaq üçün hədəfiniz real olmalıdır. Çox yüksək bir hədəf təyin edib ona çatmamaqla məyus olmaqla yanaşı, çox aşağı bir hədəflə maliyyələşdirmə işində müvəffəq olsan da, proyektini həyata keçirə bilməyəcəksən. Bundan əlavə, real olmayan hədəflər layihənizin etibarlılığına xələl gətirə və daha az dəstəyə səbəb ola bilər.