Bloqlar

İdeyamı həyata keçirmək üçün haradan başlamalı?!

Bütün start up-çıların ortaq nöqtəsi onların möhtəşəm ideyalarının olmasıdır.

Əsas odur ki, ideyalar unudulmadan onları reallaşdırasan. Yaxşı hesab etdiyiniz bir fikriniz varsa, sizə bir neçə məsləhət:

1) Planınızı hazırlayın.

Bir çox uğurlu insana görə, əsas məqam planlaşdırmadır. Fikir yaranandan sonra müvəffəqiyyətə aparacaq bir plan hazırlamaq  ən çətin mərhələ kimi görünür. Tövsiyəmiz hər şeyə diqqət yetirmək və qarşılaşa biləcəyiniz hər addım üçün ətraflı plan hazırlamaqdır.

2) Özünüzə inanın.

İdeyanızın reallaşması üçün planı hazırladıqdan sonra müvəffəqiyyətinizə inamınız olmalıdır. Bir çox insan gözlədiyindən daha çox çətinliklə üzləşdikləri üçün özünə inamını itirir və fikirlərini həyata keçirə bilmir. Bizim tövsiyəmiz əvvəlcədən düşünə bilmədiyiniz və özünüzə inana bilmədiyiniz çətinliklərlə üzləşməyə hazır olmaqdır! Həddindən artıq özünə inam həmişə yaxşı nəticələnməyə bilər. Balansı yaxşı tənzimləmək lazımdır.

3) RİSKLƏRİ Sevin.

Risk bir sahibkarın ən yaxşı dostudur. Proses zamanı qarşılaşacağınız riskləri ən düzgün şəkildə idarə etməlisiniz. Risk almaqdan çəkinsəniz, çox güman ki, irəliləməyiniz çətin olacaq. Buna görə də, risk menecmentini öyrənməlisiniz.

4) KOMMUNİKASİYA ÇOX vacibdir

Onlardan nə gözlənildiyini bilməyən insanlar öz işlərini səmərəli edə bilmirlər. Buna görə komanda daxilində ünsiyyəti maksimum dərəcədə saxlamalısınız. Güclü liderlər bilirlər ki, komandaları böyüdükcə ünsiyyət qurmaq çətin olacaq və onlar bunun öhdəsindən gəlirlər. Komanda şəklində ünsiyyətdən əlavə, müştəri ilə ünsiyyət də ən vacib məsələlərdən biridir. Müştərinin gözləntilərini və rəylərini başa düşməsəniz, müştəriləriniz sizə dəstək olmayacaqlar.

5) İNKİŞAF! İNKİŞAF! İNKİŞAF!

Heç bir ideya ən qüsursuz halıyla insan ağlına gəlmir. Sadə fikirlər böyük inkişaflarla uğur hekayələrinə çevrildi. Buna görə də, fikrinizin orijinal formasına heç vaxt yer verməyin. Davamlı inkişafa yönəlin və daha yaxşı bir nöqtəyə aparın. Hadisələr arasındakı əlaqələri görməyə başladıqda fikrinizi inkişaf etdirmək üçün özünüzə meydan oxuyun.

6) Səbrli olun.

Bir gecədə uğurlu olmaq bir xəyaldır. Dəfələrlə cəhd etməli, aylarla işləməli ola bilərsiniz. Qarşılaşdığınız hər mənfi cəhətdən səbirli olmalı və öhdəsindən gəlməlisiniz. Məhdud büdcələr, uğursuzluqlar və daimi maneələrlə üz-üzə qalmaq, fikrinizi davam etdirərkən qarşılaşacağınız ən real şeylər olacaqdır. Unutmayın, Henry Ford Ford Motors Şirkətini qurmazdan əvvəl 5 dəfə iflas etmişdi. 

7) Komandanıza güvənin.

Hər bir komanda üzvün gündəlik qərar qəbul etmək üçün motivasiya, təlim və səlahiyyətə ehtiyacı var. Buna görə komanda üzvlərindən ən yaxşısını əldə etmək üçün onlara etibar etməlisiniz. Əlbətdə ki, yanlış insanlara etibar etmək şirkətinizdə ciddi bir büdrəməyə səbəb ola bilər. 

8) Büdcədən narahat olmayın.

İndiki vaxtda sahibkarlıq çox vacib bir mövzuya çevrilmişdir. Həqiqətən fikirlərinizə güvənirsinizsə və insanların diqqətini cəlb edə biləcəyiniz düşünürsünüzsə, lazımi vəsaiti gözlədiyinizdən daha çox təmin etmək daha asan ola bilər. Dünyada 'Crowdfunding' olaraq bilinən və dilimizdə 'Crowdfunding' olaraq adlandırılan konsepsiya, qısa müddət ərzində layihəniz üçün lazımi fondu təmin edə bilər. Azərbaycanda "Toxum.org" sizə həmin maddi fondun toplanmasına kömək edə bilər. Sosial və ya sosial sahibkarlıq üzrə bir layihəniz varsa, "Toxum.org"-da proyektinizi yerləşdirə və onu reallaşdırmağa 1 addım  daha yaxın ola bilərsiniz.