Fəaliyyətimiz boyunca 3 hədəfi əsas götürmüşük:

Kraudfandinq icması yaratmaq:

Hər bir ideya sahibini ona lazım olan dəstəyi verəcək şəxslərlə sürətli formada bir araya gətirmək.

Əlçatanlıq:

Sosial media kanalları vasitəsilə sürətli və fasiləsiz xidmətin tətbiqinə nail olmaqdır.

Əməkdaşlıq:

Yalnız ayrı-ayrı şəxslərin deyil, eyni zamanda şirkətlərin də kraudfandinq icmasında iştirakını təmin etmək, dünya üzərində aparıcı olan bu alternativ maliyyələşmə sahəsində onlarla əməkdaşlıq etmək.

Ölkədə dəstək mədəniyyətini inkişaf etdirmək üçün yola çıxdıq...

Əlbəttə ki, yolumuz asan deyil. Bəzən təşəbbüslər qurmaq və ideyaları reallaşdırmaq çətin olur. Dünya üzrə bir çox imkan və alternativlər var olsa da, Azərbaycanda bu yox idi. Ona görə ilk işimiz məhz ideyalar üçün şərait və atmosferin yaradılması idi. 2017-ci ilin oktyabrın 15-i Toxum.org-un doğum günü hesab olunur. Məhz bu gün biz platformanı ictimaiyyətə təqdim etdik. İlk işimiz cəmiyyətdə sosial sahibkarlığa yanaşmanı dəyişdirmək (daha doğrusu yaratmaq) və gənc insanlara layihə yazmağı və reallaşdırmağı öyrətmək idi. Beləliklə, biz 2017-ci ilin oktyabrın 15-dən 2018-ci ilin noyabr ayına kimi əsasən maarifçilik işi ilə məşğul olduq. Bu dövrdə bizim təlimlərimizə yüzlərlə tələbə və gənclər qoşulmuşdu. Təlimlər çərçivəsində layihə ideyanın yaranmağı, onun formalaşdırılması, yazılmasının bir çox mərhələlərinə dair detallı məlumatlar verilmişdi.