“Yarlan profilaktika və bərpa” MMC-nin nəzdində yenicə fəaliyyətə başlamış “Çapar İnklüziv Terapiya Mərkəzi” həssas əhali kateqoriyasından olan şəxslərə (əlilliyi olan, valideyn himayəsindən məhrum edilmiş, aztəminatlı ailələrin üzvi olan, həmçinin də, şəhid, qazi ailə üzvləri olan şəxslər) xidmət göstərir. Belə ki, həmin şəxslərin sosial rifahının yaxşılaşdırılması, cəmiyyətə inteqrasiya olunması eləcədə, gələcəkdə idman, mədəniyyət, incəsənət və d. peşə sahələrinə yiyələnmələri üçün lazımi psixoloji və fiziki cəhətdən müsbət təsiri olan hippoterapiya seansları keçirilir. 

Həmçinin, nəzərinizə çatdırmaq istərdik ki, "Çapar İnklüziv Terapiya Mərkəz"i olaraq, Bakı şəhəri "Cıdır" atçılıq mərkəzində cari ilin may ayın 6-sı və 7-sində Ramazan Bayramı ilə əlaqədar olaraq xeyriyyə məqsədli açıq qapı günləri keçirməyi qərara almışıq.Tədbir proqramında uşaqlar üçün atlarla gəzinti, ustad dərsləri, müxtəlif oyunlar və d. əyləncələrlə yanaşı, əlilliyi olan şəxslərin sərgi-satış yarmarkasını təşkil edərək onların qazanc əldə etməsinə şərait yaratmaq planlaşdırılır. Nəzərdə tutulanları həyata keçirtmək üçün toxum.org vasitəsilə xeyriyyəçi şəxslərdən ianə etmələrini xahiş edirik.